At arbeiða í nøkrum av heimsins ábærastu sjóøkjum hevur myndað okkara máta at ala laks. Heilt skjótt sóu vit, at plássið, tú velur, og støðan í sjónum eru avgerandi fyri fiskavælferð, vøkstur og langtíðar burðardygd. Henda vitan hevur fingið okkum til áhaldandi at kanna, hvussu aling í harðari streymi og á opnum sjógvi kann brúkast sum fyrimunur í ábyrgdarfullari aling.
Laksalús hevur verið størsta avbjóðingin í vinnuni í nógv ár og hevur noytt okkum at velja loysnir til at loysa tann trupulleikan. Okkara arbeiði hevur savnað seg um tiltøk, sum skuldu veruliga klára laksalúsatrupulleikan.
Ein av okkara týdningarmiklastu og best eydnaðu royndum hevur verið aling á ábærum plássum, sum hevur havt fleiri fyrimunir við sær sum t.d. færri laksalýs, skjótari vøkstur og betri heilsu.
Hiddenfjord byrjaði at ala á ábærum plássum so tíðliga sum í 1988, tá ið vit fluttu ringarnar úr tí væl varda Skálafirði til ta ábæru Gøtuvík. Hetta slóðbrótandi tiltak var ikki roynt fyrr og vísti, at vit vóru klár at flyta mørk í aling. Síðani tá hava vit alla tíðina strongt á fyri at fáa framgongd í aling á ábærum økjum.
Tann endaleysi streymurin við nýggjum sjógvi á hesum plássum forðar laksalúsini at fjølgast.
Hiddenfjord hevur gingið á odda í aling á ábærum støðum og kann við vissu siga, at vit ala á heimsins ábærastu støðum, bæði viðvíkjandi hørðum ráki og alduhædd.
Okkara framhaldandi tilsøgn um nýskapan og at vit halda høgt støði, tryggjar burðardygt alivirksemi enntá við avbjóðingum sum laksalús.